世界波：學跳鋼管舞怕失業

外國脫星想長撈長有，其實唔係一件容易嘅事，皆因呢行好講運氣，就算有樣有身材都未必受歡迎，好似Monika Benz咁，入行一年星運浮沉，於是佢走去學跳鋼管舞，準備將來一旦被淘汰，就轉行喺夜店跳舞搵食喎。

為前途鋪路

現年20歲嘅Monika，初出道時氣勢如虹，更被譽為最有潛質嘅新人。但事隔數月，由於阿妹顧住拍拖溝仔而唔肯拍戲，激嬲咗經理人公司，結果被雪藏，令其事業跌落谷底。直到今年初，Monika終於獲解凍，為咗自己嘅前途着想，阿妹決定戒溝仔，全情投入工作。而除咗拍四仔之外，最近佢仲走去學跳鋼管舞，佢話：「脫星界好現實，若然表現唔夠好，又或者觀眾睇厭咗你，就會被淘汰。而我學跳鋼管舞嘅目的，就係為前途鋪路，一旦被Out之後，都可以轉行喺夜店跳舞搵食，唔使冇錢開飯。」Monika又話，無論從事邊一行，最緊要有一技之長，咁就唔使怕搵唔到食喇！

Monika Benz's Profile

年齡：20歲

身高：5呎7吋

三圍：34C-24-34