體毛中生冇性事
體毛中生冇性事
男人嘅體毛真係生得千奇百怪，其中有一種生法就係由恥部向上生，呈一條直線，一路生至心口，而兩旁則光禿禿，我哋叫呢種做中生毛髮。原來呢種人才智過人，口才出眾，會係個不錯嘅謀士。
佢哋天生有膽冇勇，有才冇勢，可以話樣樣都差少少，所以做老闆又唔啱，做夥計又唔適合，於是佢哋通常會喺老闆背後出謀劃策，遇上明主更可創一番事業。感情方面，大多數都會遇上仰慕自己嘅紅顏知己，可以和對方同甘共苦，喜樂與共。
呢種男人一生只會為事業而奮鬥，對其他嘢無欲無求，喺情愛方面，更係完全唔會放喺心上，做佢哋嘅太太，有時等同做寡婦一樣。但由於大多數太太婚前都係因為仰慕丈夫而生愛，所以不會有半點怨言，為丈夫事業犧牲，認真偉大！