世界波：化悲憤為食量

感情嘅嘢，有時真係話唔埋，好似脫星Bianca Golden咁，本來有個感情要好嘅男友，兩人仲計劃結婚組織家庭，點知就喺相識一周年嗰日，竟然畀阿妹親眼目睹男友喺屋企偷食，結果分手收場。愛情路上受創，Bianca顯得心灰意冷，於是加入美國四仔界當脫星，仲要化悲憤為「食量」，食盡天下男人，以治療情傷咁話。

難忍男友偷食

來自匈牙利嘅Bianca，雖然加入美國四仔界不足一年，但憑着出色嘅演技，令佢迅即成為業界炙手可熱嘅脫星。據講，自從跟男友分手之後，Bianca就一直寄情工作，仲話要搵男優嚟出氣。佢話：「啲男人真係信唔過，好似我嘅前度男友咁，原本應承同我結婚，點知就同另一個女人鬼混，仲要畀我捉姦在床，依家諗番起呢件事都覺得好嬲！所以，我要向男人報復，用盡所有方法將佢哋吸乾吸淨。」Bianca又話，日後就算遇上心儀嘅對象，都唔會隨便同對方一齊，事關佢怕再次受到傷害，最多可以做性伴，喺床上面開心吓。睇嚟阿妹當年真係傷得好重。