張婉悠被屈拍裸照

內地o靚模界向來盛產巨乳級美女，好似呢次嘅主角張婉悠就係其中之一。阿妹不但相貌夠省鏡，更擁有39G上圍，配合一對43吋修長美腿，簡直係人間極品。佢喺內地網絡受到高度注意，之不過人紅自然是非多，早前佢被扯入閆鳳嬌疑似裸照事件，搞到鬼咁谷氣。

無端被牽連

來自山東青島嘅張婉悠，為內地模界少數同時有樣、有身材，亦好高挑嘅索女，憑着呢啲優勢，令佢迅即喺業界走紅，除咗得到各類時尚雜誌邀請拍攝寫真之外，更參與電視劇演出，成為內地網民嘅新寵兒。

正當阿妹滿以為事業一帆風順嘅時候，竟無故被扯入另一位o靚模閆鳳嬌嘅疑似裸照事件。話說早前網上流出嘅一輯照片中，可以見到閆鳳嬌及另一位被稱為「小婉」嘅索女剝光衫褲，讓三、四個男人拍照，隨即傳出此人就係張婉悠，搞到當事人嬲爆，並即時發表聲明以正視聽。

直到近日，終於有網站舉證「小婉」並非張婉悠，而係一名叫蔣晴婉嘅學生妹，原來佢同其他人參加裸體攝影會賺外快，點知相片流出而引起軒然大波，如今真相大白，相信阿妹應該有覺好瞓。

張婉悠 Profile

年齡：23歲

身高：5呎7吋

三圍：39G-26-36