林娜冰 寧Shopping懶溝仔
林娜冰 寧Shopping懶溝仔
來自廣西嘅林娜冰，畢業於廣西藝術學院，主修音樂，隨後到北京修讀形象設計，原本諗住做形象指導，之不過喺機緣巧合下，加入咗內地模界發展，從此踏上o靚模之路。
黃金比例
講到林娜冰嘅威水史，莫過於佢喺2008年參加由時尚雜誌舉辦嘅美女選舉，並奪得冠軍，自此佢就人氣急升，成為當時炙手可熱嘅平面模特兒，並多次登上時尚雜誌嘅封面。
老實講，其實林娜冰唔算係乜嘢大美人，有部分網友更認為佢個樣生得有啲怪怪哋，之不過阿妹副偈確實索爆，合乎黃金比例嘅身形，加上胸前一對32D湯碗胸，無需加墊都能夠表現出大包誘惑。
據知林娜冰最鍾意四圍去旅行，早前來港，更特別到尖沙咀掃名貨，期間遇上唔少港男搭訕。之不過靚女掛住Shopping，統統將佢哋拒諸門外，購物對女人嘅魔力，好多時都大過一切o架！
林娜冰 Profile
年齡：23歲
身高：158cm
體重：42kg