夜場難做

跟一位澳門行內人聊最近夜總會的減價戰，原來這兩個月來玩的人流真的多了很多。「我知道好多東莞客都轉咗過嚟添，其實旺場又唔止係因為劈價嘅，又遇啱上面打大風呢！」行內人回應。我說，既然現時的價位如此具競爭力，甚至可以搶到珠海、東莞的不少酒客，為何業界人士不考慮將價單調整一下，去遷就市場，又或者做到薄利多銷，去重塑那個曾經盛極一時的黃金時代？計計數吧，現時約$500的晚舞套票（不過夜），比之前$800至$900，真的平了一大截；另外，計埋$1,200的小姐小費，約$1,700跳個晚舞，仍然比大陸貴，但起碼有競爭力！

「今時唔同往日啦，所有嘢成本都同以前唔同，尤其是酒店房錢，呢幾年澳門簡直係倍升，即使係中下檔次嘅酒店都唔憂租，所以點可能平到呢？依家嘅減價戰，單計張飛，根本就蝕硬，仲要加埋其他嘢拉上補下o架。」人手，也是一個問題，原來馬交賭場、酒店業大盛，把當地人的薪水都炒高了，現在無論請經理、媽咪、保母以至侍應，都不容易，走咗真係未必請得番。

「條數，真係好考老闆去計o架。」