圍嘴生鬚唔衰得
圍嘴生鬚唔衰得
好多男人生鬚，都係圍住上下唇嚟生，誇張啲就會生埋落頸或者兩鬢，但如果只係上下唇生鬚又代表乜嘢呢？原來呢種人做事認真，勤奮努力，出錯嘅機會十分少，深得老闆嘅喜歡，因為佢哋心裏最怕失敗，所以一定小心行事，唔會畀自己出錯。
佢哋有時會好大壓力，經常精神緊張，除咗工作，佢哋對每段感情都會全情投入，同樣因為佢哋害怕失敗，所以都會專心經營，女朋友大可放心，佢哋一定唔會搞搞震，但就會成日管住你，隨着感情漸深，佢哋管你嘅手段就會愈見厲害，認真要小心。
喺床上佢哋表現出色，溫柔體貼，盡心盡力，可以話係一個唔錯嘅對手，間唔中仲會整啲驚喜畀伴侶，但伴侶最好有佢哋預期嘅表現，否則就會不停問你點解冇反應，有時都幾煩，為免破壞氣氛，有時可能要扮有高潮氹吓對方！