束縛小道具
束縛小道具
最近天氣凍咗，搞到有啲感冒，早晚都鼻塞塞，幾想個鼻窿變大啲，等自己呼吸暢順啲。但原來喺性用品店中，真係有一樣道具，可以令人嘅鼻窿變大，呼吸更多空氣，但呢件道具並唔係要嚟紓緩感冒，而係一樣束縛小道具─鼻鈎是也。
呢隻嚟自日本嘅鼻鈎，係由兩條仿皮革製嘅纖維帶組成，兩條帶一橫一直呈丁字形，一條帶扣緊喺額頭位置，另一條則從前額拉至鼻頭位置，而直帶嘅前端有兩個鋼釦，可以輕易扣喺鼻窿內，再將長度收緊，就能輕易將鼻窿扯高，產生束縛效果。
據售貨小姐講，唔少客人用過都讚好，話將鼻窿扯高之後，起初雖然係有少少不適感，但好快就適應到，而鼻孔上翹，呼吸就會又深又長，感覺特別敏銳，再配合其他玩意，就可以輕易產生特別效果。萬一用得多，會唔會將個鼻窿整大，變咗個漏財鼻呢？