爆乳人形兵器

雖然機械人與人類談戀愛，唔係乜嘢新題材，但如果喺裏面加入戰鬥同色誘元素嘅話，故事就即刻唔同晒，好似呢個人氣電玩遊戲「KOS-MOS」就係其中之一。出色嘅遊戲性加埋爆乳人形機械女主角KOS-MOS，難怪有關佢嘅模型長出長有！

故事講述人形兵器KOS-MOS除咗執行任務外，仲要保護KOS-MOS製造者之一嘅男主角卯月紫苑。起初呢個爆乳機械人一啲情感都冇，只聽從指令行事，但其後同卯月相處耐咗後，就開始孕育出人類嘅情感，並跟男主角發展出微妙嘅感情關係。

呢個模型以KOS-MOS Ver.4嘅形態作為藍本，即係重裝形態，故此模型嘅配件相當多，除咗有兩支重型加農炮外，仲有手槍同激光劍等。此外，模型採用可動式骨架，換言之，玩家可以配合各種武器，任意擺出各種型爆甫士，想讓KOS-MOS做出誘人嘅動作亦得，觀賞性同可玩性兼而有之！

原型製作：淺井真紀

全高：約165mm

預定發售日：2011年2月