日本取材自三國背景嘅遊戲、動漫、模型同電玩系列雖然多不勝數，只要打住三國旗號嘅動漫同電玩，都不乏捧場客。除咗因為三國故事喺日本人心目中別具吸引力外，亦因為當中糅合咗日本人嘅創意，例如人氣動漫《一騎當千》中嘅女版關羽就係其中之一！
點解堂堂武神會變成巨乳少女？原來《一騎當千》係講述三國時代人物所擁有嘅勾玉，輾轉流落到日本嘅高中生手中，每個持有勾玉嘅人都被稱為「鬥士」，而佢哋不但繼承三國名臣、武將嘅能力，仲會繼續為統一天下而戰鬥。喺咁嘅情況下，唔單止關羽無端端變成咗巨乳少女，就連張飛、趙雲、孫策等人都變成索到爆嘅爆乳尤物。
雖然故事情節未必個個都鍾意，但係講到模型，相信冇邊個男人唔會睇到眼定定，尤其係呢個女版關羽，更係勁受動漫迷歡迎。呢個首辦模型唔單止將關羽嘅激凸身材忠實呈現，冷艷嘅外表更係活靈活現，雕工水平相當高，另外配合埋一把關刀同埋一身性感比堅尼，殺氣係就係少咗啲，卻別有一番女性嘅魅力，相當具有收藏同觀賞價值！
原型製作：Elliott
全高：約280mm
售價：¥8,400（HK$773）
預定發售日：2010年10月