日本好多水着女優由於美艷動人，身材又一流，所以經常被藝能界睇中，邀請佢哋合作拍電視劇，甚至拍電影，近年紅透半邊天嘅綾瀨遙、伊東美咲、星野亞希、秋山莉奈就係最佳例子！
另外，曾經叱咤一時嘅宮地真緒亦係當中嘅佼佼者！真緒妹身材極佳，皮膚白白淨，身形夠高挑，上圍又夠豐滿，絕對係一副絕世好偈！同時，真緒副面孔由於相當精緻，所以早幾年就有人搵佢拍劇同拍戲，早前於日本上映嘅電影《失戀殺人》更加由真緒擔任女主角添！可見真緒真係有名氣又有實力！
幸好，真緒拍戲之餘，亦不忘拍寫真集。而為咗慶祝自己出道十周年，真緒就拍咗一輯新寫真名為《Década》！呢本寫真除咗由名師操刀，保證意境迷人又高層次外，真緒仲會瞓身全裸出鏡添！雖然三點遮住咗，但係一副驕人身材一樣表露無遺，正呀！