純情女僕愛上男主人，呢條橋係就係舊咗啲，但仍然有唔少動漫迷相當受落。好似呢個手辦模型琴乃宮雪咁，就係嚟自人氣十八禁AVG遊戲《水月》嘞！雖然呢隻遊戲推出至今已經有一段日子，但係有關佢嘅模型卻係長出長有，而呢位琴乃宮雪就係當中一個相當受歡迎嘅女角之一。
故事講述一個流落異空間嘅男主角，身邊突然被一班索女包圍，從而展開一段夢幻愛情故事。作為男主角嘅僕人，性格純情又溫柔嘅琴乃宮雪，因為同男主角同居屋簷下，彼此漸漸生出情愫，其後更發生超友誼關係。
話明係十八禁遊戲，就算佢幾咁純情，都唔少得令人血脈沸騰嘅場面。今次呢個模型，就係嚟自一幕琴乃宮雪露底色誘男主角嘅經典場面，佢拉起條裙，配合含情脈脈嘅表情，係咪電力十足呢？
原型製作：宮川武
售價：¥8,925（HK$803）
預定發售日：2011年1月