唔知大家有冇留意，有啲男人成塊面連一啲鬚根都冇，但偏偏喺下巴位置就有幾撮，如果留長佢，就會變成「羊咩鬚」。原來只有下巴位置生有鬚根嘅朋友，為人十分聰明機智，頭腦靈活，係個靠食腦搵錢嘅人。但缺點就係過於聰明，經常都聰明反被聰明誤，古時一啲師爺、狀師、軍師等，就係呢類型。
至於感情方面，佢哋年輕時由於冇膽入情關，不斷錯失良機，以致三、四十歲人，都仲係孤家寡人，冇辦法成家立室。而床上功夫，明顯唔係呢方面嘅專家，如果係初試雲雨，經常會「拿手唔成勢」，好多時為咗提升自己嘅床上魅力，佢哋都喜歡秘密刨書學新招，可惜着重理論多過實踐，講就專家，做就羞家，女士當然唔會喜歡，遇上女方係此道高手，或者有可能改善嘅。