本來呢啲事件經常喺內地發生，不值一提，新聞亦只得寥寥幾句報道，但卻因為相中嘅一位老伯而喺內地討論區引起話題。

處之泰然

話說有心水清嘅網友，發現呢單新聞嘅相關圖片中，有一位阿伯雖然都撞到呢三位比堅尼女郎，但竟然不為所動，目不斜視，直行直過，完全冇回頭偷望，亦冇暗自竊喜，表現處之泰然，令唔少網友大讚阿伯夠淡定，見慣大場面，值得向佢學習。

但亦有專唱反調嘅網友，話阿伯可能老眼昏花，所以有性感美女行過都睇唔到，另外亦有網友就話可能阿伯老婆喺附近，為免畀人扭耳仔，所以冇(目及)女。姑勿論乜嘢理由，總之阿伯目不斜視嘅正直態度，就絕對值得後生仔學習啦！