對於唔少男人嚟講，剛剛過去嘅呢屆足球盛事一定感觸良多，大家又點估到巴西以一比二反輸荷蘭，以及德國喪數英格蘭同阿根廷之後，居然輸畀西班牙吖！
不過咁，我哋仲有唔少愉快回憶嘅，巴拉圭手機乳神Larissa Riquelme就係其中之一喇！靚女以一招巨乳夾手機成名，堅挺嘅重量級雙峰簡直令人咋舌，人氣更因此直線上升，最近仲幫著名成人雜誌拍埋3D寫真添！
不過，我哋又唔好成日覺得外國嘅月光特別圓，外國嘅女仔特別大胸，因為祖國美女都一樣好身材！
唔信？較早前於廣州天河某廣場舉行嘅一個「中國時尚內衣模特大賽」，就有一名佳麗「峰」頭可媲美手機乳神！呢位佳麗腰幼胸大，換上一套有強勁谷胸效果嘅內衣出場，高聳入雲嘅雙峰固然令人震驚！最抵死仲係阿妹佢居然學手機乳神，將部手機放於雙峰之中，用條事業線將手機緊緊夾實，一句講晒─堅到震呀！