自從電視台搞咗乜乜歌唱比賽之後，搞到家陣個個老友去唱K都好似參加歌唱比賽咁，七情上面，鬼咁認真，有啲甚至會扮晒評判畀分同講評語添！最近佐敦一間夜總會亦湊熱鬧，每晚都會舉行囡囡歌唱比賽，一共有20位參賽者，除咗逐個上台唱首歌，仲會兩條女玩吓PK賽。至於評判，由客人同經理擔任，好似嗰晚我皮哥就畀經理捉咗去做評判，當囡囡唱完首歌之後，我就講兩句評語，最後畀分數，搞到自己成個樂壇教父咁，真係覺得幾搞笑。而整晚氣氛十分熱鬧，全場客人都玩得好投入、好開心，呢個歌唱比賽搞得相當成功。
皮哥簡介
線眼遍布港九新界，有料就去八，有蠱惑收王之稱，人生目標係八盡天下事。
歡迎讀者爆料交流
爆料熱線：3600 6688
傳真：3600 6800
地址：香港大埔工業邨大昌街23號東方報業中心
電郵：happy.sup@org.com.hk