肥寶自從晉升為公司嘅高層之後，即使已經結咗婚，亦不時威逼利誘女下屬陪佢出國，美其名就係公幹，實質上就係共睡一間房進行連番私幹。然而，所謂上得山多終遇虎，一向不設防嘅肥寶，終於令一個叫做美娜嘅女下屬意外懷孕。
美娜話：「既然係我嘅骨肉，我一定要將佢生落嚟！」肥寶無可奈何之下，惟有話：「咁好啦！我即刻調你去日本分公司，你就過去嗰邊生啦！」美娜就話：「咁我生咗之後點樣通知你好呀？你老婆家陣睇得咁緊！」肥寶就話：「咁你寄個E-mail畀我啦！不過唔好用文字表達，用冷麵嘅圖案啦！如果生仔就一碗冷麵加隻炸蝦，生女就一碗淨冷麵算啦！之後我會定期將生活費匯畀你o架喇！」
過咗幾個月之後，肥寶終於收到E-mail，睇完之後就嘔白泡兼暈低。老婆見到之後，喺叫十字車嘅同時瞄到部電腦，畫面有四碗冷麵：兩碗有炸蝦，兩碗淨麵，當然，佢到呢一刻都仲未知發生咩事啦！