古語話：「男兒有淚不輕彈」，意思係做男人嘅，冇乜必要都唔好流「馬尿」，但人總有七情六慾，人到傷心處，自然難免落淚，原來喺相學上，淚水由眼睛邊度流落嚟，就代表唔同嘅運程，今日就同大家講吓眼淚由中間流出會係點？
男士淚水由眼中間流出，原來證明佢係性情中人，敢愛敢恨，有唔開心嘅事，唔會收收埋埋，一定會想辦法解決。做事有時會衝動啲，但亦因為呢種幹勁，而深得朋友和異性歡迎，桃花同人緣運都不錯，天時地利配合，事業上可有成功嘅機會。
至於情愛方面，由於係性情中人，專心同花心都有可能，要視乎自己取向，如果自命浪子，咁想佢專一都幾難，如果佢相信愛情，咁就會一生一世，永不會行差踏錯，只要交往前問吓佢哋就清楚晒，但無論專一定花心，佢哋都會係床上最好嘅對手。