自組公司博一鋪

Sammy自發育開始就立志要靠身材搵食，畢業後即簽約片商成為四仔脫星。做呢行除咗條件要夠，更要有觀眾緣至有運行！於2003年出道嘅Sammy，就係欠缺呢種抽象嘅觀眾緣。你話佢身材唔弗咩？32D天然巨咪夠晒撐，可惜身高只得4呎10吋，腳短無可厚非，難得佢床上夠搶韁，可以分散男士注意力！撈咗五年，Sammy依然半紅不黑，冇工開嘅日子更要淪落到去夜總會跳艷舞，令阿妹心灰意冷，打算退出！

可幸跳脫衣舞時識到唔少老細級朋友，後來佢決定自組公司拍四仔！呢間四仔公司由Sammy一人打骰，佢既係老闆亦係脫星。Sammy勝在有計，一般四仔唔拍，亦唔起用大牌脫星，反而搵班同樣失意於四仔界嘅姊妹，加上於網上招攬有意一嘗鹹片癮嘅男女，臨時拉伕組成四仔兵團。

另類鹹片 噱頭取勝

Sammy拍嘅係非一般鹹片，玩味甚濃，頭炮係高山、沙漠性愛，Sammy拉住男友爬上懸崖搞嘢，又喺烈日當空嘅沙漠下執番劑，於事後更身授大家沙漠搞嘢嘅好處及注意事項，寓性愛教育於一身，難怪咁受觀眾歡迎！

到近期Sammy又有新搞作，呢輯名為《Guess The Breast》嘅四仔，喺私人泳池下舉行，邀請50多位情侶參加，女嘅剝衫，男嘅蒙眼，透過搓波仔估出自己伴侶，大家都笑到見牙唔見眼，就知摸得有幾爽啦！