聽到澳門一家艷舞表演場地艱苦經營的事，其實我不奇怪：「唔係喎，依家成個澳門都係內地客，佢哋唔係鍾意睇表演咩？淨係做佢哋都夠啦。」一位朋友說。不過依我所見，這班想睇騷的客數目雖然不少，但一般消費額不夠大，票價太高昂的表演他們不願看，畢竟沒甚麼實際得着，買多盒餅做手信好過。收得太便宜的話場地難以維皮，結果，生意當然是不好做了。
也有表演場的生意不賴，就像那家主打外國Dancer的艷舞夜總會，裏面歐美、各國的女孩都有，不過鋼管舞只是附屬服務，它們真正賣的還是女孩。「純做表演的話，你知唔知架生幾貴？音響、燈光郁吓都幾十萬，再加埋道具、衣服，收$400張飛，用成本嚟計唔貴，但幾多客肯畀錢睇人剝衫？有得落場玩埋一份就唔同。」同事這樣說。
是的，所以這家鬼妹店主力賣的其實是人，台上的艷舞，不過是種包裝。我不是說她們不會跳，事實是，她們當中有些也跳得很好，不過多了個Dancer的名銜，叫起價來自然更加高。她們的短敍肉金收超過$2,000，生意不算勁爆，但比起純做表演，卻更像是一盤生意。