曾幾何時，日本水着女優星野亞希嘅一張靚相被夜店作為宣傳廣告，佢唔介意之餘，仲故意企埋招牌影相留念。不過，呢次嘅主角李瀟珊（糖糖）就唔同，當佢睇見自己嘅靚相印咗喺足浴保健店嘅招牌上，當堂嬲到飛起，仲即時於網上訴苦添！
照片被盜用
擁有C奶身材嘅內地o靚模糖糖，樣子甜美，近年活躍於o靚模界，除咗影寫真之外，間中亦會拍吓廣告同電視劇，可以話工作不斷。不過，人紅自然是非多，最近有人發現內地一間足藝休閒吧嘅招牌上，竟然出現咗糖糖個靚樣，據知呢間店舖提供洗面、拔罐、足療及色情服務。事件曝光後，糖糖即時嬲到爆燈，更將相片上載到部落格，公開呢間店舖嘅惡行，希望日後可以有人為佢討回公道咁話喎！
娟娟