女仔嘅眼睫毛，愈長愈靚，但對運程嚟講並非好事，反而唔長唔短就最有運行，咁又長又短呢？原來有啲囡囡嘅眼睫毛，生得好參差，一條長一條短的，原來呢種囡囡嘅性格十分情緒化，做事喜歡唔守規則，但咪以為佢哋好勇鬥狠，原來係個膽小鬼。
特別係愛情方面，全部都係冇膽入情關嘅人，唔好話主動追人，就算有人追求，即使佢哋鍾意對方，都會扮晒大牌，成日糟質男友，絕對係野蠻女友嘅化身。歸根究柢都係因為佢哋冇自信，咪睇佢哋表面硬淨，只要搵啱切入點，絕對可以輕易奪取芳心。
至於床上表現，佢哋平時就會口爽爽，話自己乜嘢大場面都見過，十八般武藝無一不精，但實際可能仲係處女一名。到上床時，分分鐘震過貓王，男伴應該好好開導佢哋，但最終佢哋都唔會太放，全程由男伴做主，同佢哋上床都幾悶吓！