以為北上去揼正骨沒問題？原來也不然。這晚跟友人在深圳一家中型骨場按摩，11點入場，沖完涼、按過摩，睡了一覺，卻被服務員叫醒了，原來現時在骨場過夜，是要登記的。這家場的做法是，客人12點後進來，就會在前台幫你登記了，恰巧我們太早，沒做到這個「手續」，又恰巧今晚有檢查，於是我們便跟大堆客人登記去，幸好過程尚算快捷，但搞完了，睡意全消，於是又叫個技師來做個中式推拿！「咁搞法，生意點可能好呀？」我忍不住對技師嘮叨。哪知一說到苦事，她便收不到掣，一直沒完沒了：「其實生意都未好過，一來間場開得不及時啦，人民幣咁貴，港客少咗好多，同我以前做開嗰間比，差咗最少兩、三成！而且自從呢個制度行咗之後更慘，又唔係做咩事，邊個鍾意畀人攞自己資料o架。」我好奇，問她月入，她答我約¥3,000至¥4,000，但最近禍不單行，公司將她們的小費連薪酬都以50%人仔、50%港幣的比例分發，也即是說，她被變相減薪了。「咁公司話依家啲客都鍾意用港幣找數吖嘛，咁我冇法子o架。」