有冤無路訴

原來大家都誤會晒，事緣係有一位女技師因為經痛唔舒服，於是向主管提出請假，當主管問佢因乜事要請假？佢就話因為月事唔舒服想請假，點知主管就要技師剝褲畀技師領班檢查，驗明正身至畀佢放假，當時技師只想盡快回家休息，於是就勉為其難畀佢剝褲檢查。

事後技師覺得委屈，更當場喊咗出嚟，返到宿舍愈諗愈難過，於是提出請辭，但由於骨場規定技師返工有時數，如果技師要辭職，就需要補償未上足鐘嘅時間─45小時畀公司，即約¥1,800，等於大半個月人工。為咗唔想賠錢，女技師惟有復工，但期間佢有三日冇返工，所以主管又要佢補番三日嘅鐘錢。

技師有冤無路訴，愈諗愈委屈，於是發帖上網，希望引起傳媒關注。網友熱烈討論，有唔少正義網友力撐技師，特別係主管剝褲驗身，絕對係違法行為，應該反告公司犯咗侵犯人身罪。但亦有冷靜網友話訴諸法律，分分鐘要使唔少錢，結果可能得不償失，與其係咁，不如忍氣吞聲做到月尾辭職算嘞！