睇慣歐美脫星嘅床上獻技，認為公式性愛太悶，不如睇吓由Reality Kings四仔公司製作嘅《Money Talks》系列啦！到目前為止更係最受歡迎三甲之一。影迷不分男女，事關戲內嘅男女演員不但有一線脫星，亦有素人演出，題材創意無限，乜都夠膽玩一餐！

抄足原著

有冇覺得圖片似曾相識？其實大部分場景係抄美國癲喪電影《Jackass》（港譯《死蠢鬥一番》）嘅橋段，有睇過佢哋演出都知玩得有幾喪，情節以玩命自殘見稱同時不失搞笑成分。而《Money Talks》系列亦唔例外，由演員角色至場景都盡量跟足，更玩全裸上陣，鹹而不淫，抵死過癮！

同樣，《Jackass》約有九位骨幹成員，《Money Talks》亦由幾位精心挑選嘅男優主持，分別有侏儒Owen及大隻佬Peter，每次演出都有佢哋份，年終食唔少索女o架！

測試人性

《Money Talks》系列至今玩咗三年左右，題材愈玩愈離譜，當然同外界叫好叫座有關啦！早前就搞咗個野外競賽活動，超過五十位男女素人加主持喺野外玩Segway電動車、迷你電單車以及裸體踩滑板等等，成班妹豬搏命演出，春色蕩漾，真係玩嘅興奮，睇嘅過癮！高潮一幕係脫星們以大型假陽具及假陰道玩「發射」，有人話極度無聊，但事實上唔少人睇完都會心微笑！

除咗玩癲喪，《Money Talks》仲玩「人性」，製作隊於街頭四出尋找熱戀中嘅男女，測試情比金堅程度，呢一刻大家至發現，原來有錢真係使得鬼推磨。一對又一對嘅情侶，面對銀紙當前，交換伴侶、睇女友同人玩3P，甚至性虐混戰都冇Say No，呢啲咪人性真實一面囉！

大牌抵制

由於《Money Talks》製作非常大陣仗，外界開始反對呢種過激玩法，尤其一班傳統脫星更拒絕接拍該系列，理由係拍戲唔應該搵命博。大牌脫星Alexis Texas就公開投訴：「《Money Talks》完全扭曲正規四仔生態，同時踐踏色情藝術，令脫星專業受損，如果任何人肯自殘玩命就可以做脫星，咁係非常危險嘅一件事！」地位受影響，難怪脫星們要求抵制《Money Talks》系列。

之不過你愈反，觀眾就愈受落，《Money Talks》較早前提早慶祝「哈囉喂」，搵主持扮鬼嚇素人，喺古堡過夜邊嚇邊搞嘢，高潮同恐懼一齊嚟，挑戰感官極限。據講呢個只係前奏，接近正日仲會陸續有來，大家真係要拭目以待嘞！