不過，平等之後，男人做到嘅事，女人都一樣可以做，例如可以赤裸上身游水或者到公園乘涼。

而為咗可以喺公眾場合同男人睇齊，赤裸上身四圍行，較早前喺美國，包括洛杉磯在內嘅七個城市，就有眾多百姓響應「全國無上裝日（National Go Topless Day），仲齊齊剝光上身上街遊行添！

露胸遊行

呢個「全國無上裝日」自2007年開始舉行，目的就係為咗爭取男女平等，特別係為咗令女性可以同男人一樣上身剝光豬出街。正因為咁，喺「全國無上裝日」當天，支持者就會剝光上身遊行，今年於8月22日舉行嘅一屆亦唔例外，有大量女士打出個胸出席，令圍觀嘅市民都為之側目！個心一定會諗：我都要支持男女平等呀！除咗女支持者外，在場亦有好多美女活動大使，仲露兩點派傳單，早知我都去支持埋一份啦！