咖啡店愈開愈多，對此小弟深表欣慰，因為咖啡係小弟我嘅生命之源，如果朝早起身唔飲一杯，當日肯定好似死狗咁款！另外，同異性友人約會嘅時候，咖啡店亦顯得相當重要，落單買咖啡時同店員講「要一杯美式咖啡，斟七分滿畀我自己落奶，唔該。」之後拎杯咖啡好講究咁加糖加奶以及肉桂粉等等香料，於異性友人面前展現一派高尚品味！不過，咁樣亦唔夠日本呢間妄想咖啡店咁過癮，因為店內有囡囡陪客人大講淫語，滿足另類需要！

幽會最佳

日本有好多特色咖啡店，例如女僕咖啡店、走光咖啡店，聽講連人奶咖啡店都有。不過，呢一類咖啡店都嚴禁客人同服務員有身體接觸，最多畀你哋打情罵俏，玩落過癮程度絕對係有限公司。然而，最近於名古屋開設嘅妄想咖啡店就有少少唔同，因為佢擺明玩鹹濕邪念。

妄想咖啡店嘅裝修其實同一般賓館差不多，主要有大堂以及幾個套房，客人可以飲咖啡、睇雜誌，但係呢兩項指定動作喺呢度都好少見，事關客人主要都係想入房玩。

點玩法？入到套房之後，客人會發覺其中一面牆由鐵網或鐵柵間成，可以見到隔籬套房嘅情況。坐低冇幾耐，隔籬房就會有一名女性出現，大家就係咁隔住個鐵網傾偈喇！由於男女賓有各自進入咖啡店嘅入口，所以咖啡店成為唔少男女幽會之地。當然，亦係好多男士偷食之地啦！

隔網挑逗

大家可能會問，撞啱間咖啡店冇女客人，自己又冇約囡囡幽會咁又點算呀？唔通真係正正經經飲咖啡咩？呢層當然唔會啦，因為妄想咖啡店已經安排好，客人其實可以透過咖啡店安排一位囡囡談心，不過呢個程序開始就會收取咖啡以外嘅特別服務費！至於有咩服務呢？當然唔係單純傾偈咁簡單啦！

據講，咖啡店嘅囡囡好多都係講鹹濕電話出身，所以練得一口流利兼充滿感情嘅淫語，最抵死就係囡囡會隔住道鐵網面露一派渴求話「我濕晒喇！」、「快啲過嚟錫我啦！」激啲嘅仲會自摸，甚至露出「內裏乾坤」！但係客人因被鐵網阻隔，充滿猛烈慾火嘅內心變得更加焦急，呢種感覺就好似睇住蒼井空同男優喺面前肉搏，但係自己又冇辦法參與其中一樣咁誘惑！

至於能唔能夠帶囡囡去附近嘅酒店上房玩，就要落吓嘴頭同傾好價錢喇！至於一般收費方面，入場票價收¥3,000（約HK$273），淫語對話每20分鐘就收¥1,000（約HK$90），一啲都唔平o架！