靚人靚景大製作

自問鍾意睇靚人靚景唯美拍攝手法嘅四仔迷留意，「Model Gone Bed」系列中正你胃口，事關佢全由索爆Model上陣，劇情有自摸、女同、單打獨鬥，唯獨欠男女混戰。梗係啦，皆因呢班囡囡個個都係擁有魔鬼身材及天使面孔嘅混合體，根本無需同你鬥爛，況且玩混戰搶晒戲，反而仲嘥料！

而「Model Gone Bed」當年嘅出現，其實係用嚟氹呢班以Model自居嘅囡囡落疊，無他嘅，麻甩佬鍾意睇索女，奈何肯主動加入四仔界嘅少之又少，喺僧多粥少情況下，自然要諗計搵新血。系列初出時，囡囡頂多玩自摸，類似成人雜誌附送嘅四仔，不過佢哋就大製作得多，超級豪宅兼名牌上身，由導演到化妝整頭都係頂班人馬，拍到啲囡囡個個貴氣，即時大受歡迎，加上高酬勞，難怪啲Model湧住自薦報名啦！

若然大家有留意，不少一線脫星都係由呢個系列出道，例如辣妹Jessica James及Hillary Scott，兩位阿妹拍一部四仔嘅收入等於行一個月騷，搵銀咁易，不如直接入行仲好撈啦！不過風水輪流轉，依家想成為「Model Gone Bed」嘅女主角，真係條件曳啲都唔使諗，想入行？陪高層應酬吓應該都唔少得嘞！