高貴有氣質

現年24歲嘅汪曉雯，入行3年多，曾拍過20多個不同類型嘅電視廣告，以及逾30個平面廣告及雜誌封面，擁有非常豐富嘅工作經驗。論樣貌，汪曉雯的確係一位大美人，高貴又有氣質，兩顴有肉，笑起嚟倍感迷人，站於玄學角度嚟講，呢個更屬於旺夫相，認真得天獨厚。

汪曉雯身高5呎6吋，一對修長美腿相當養眼，而且膊頭夠橫，基本上着乜嘢款式嘅衣服都咁好睇，更擁有超迷人性感鎖骨，為佢增添不少吸引力。只可惜上圍比較細小，睇頭欠奉，谷到盡先有條罅仔睇吓。

不過唔緊要，事關呢位美女向來靠個樣已經搵到食，唔使袒胸露乳一樣喺業界撈得有聲有色，相信好快就可以喺香港見到佢嘅廣告，到時大家不妨留意吓啦！

汪曉雯Profile

年齡：24歲

身高：5呎6吋

三圍：31-23-33