個體戶難撈，查實集團鳳都唔易做，我雞蟲熹就認識唔少由個體戶轉到賣淫集團旗下打工嘅鳳姐，佢哋話工作壓力好大，每個月做唔夠生意額，隨時會被人踢走，其中一位北鳳就好擔心咁話：「我人老珠黃，要出賣嘅都賣晒，吸引力自然唔及啲後生女，我諗再跑唔夠數，暑假後我就會被踢走！」
而另一位中鳳為咗每個月做夠數，表現得相當落力，同客人玩乜都冇問題，只係希望吸引多啲客人幫襯，佢話：「我都三張幾，唔賣樣，惟有賣服務，每次我都會同客人講，想點玩都得，只要多多嚟捧場，而客人見我表現投入，真係畀我打動咗，有時佢哋經過樓下都專登上嚟搵我起機，當然我亦識做收半價啦！」有咁好嘅服務，難怪阿妹每個月嘅生意額都爆晒數啦！
雞蟲熹簡介
o係色慾界打滾多年o既色途老馬，晚晚都出去蒲，口頭禪係唔滾唔知身體好。
歡迎讀者爆料交流
爆料熱線：3600 6688
傳真：3600 6800
地址：香港大埔工業邨大昌街23號東方報業中心
電郵：happy.sup@org.com.hk