好多男人成日上健身中心，練到一身結實肌肉，無非就係希望靠健碩體態嚟識女仔。講真又真係幾多女仔鍾意肌肉男，但佢哋追到手後又會後悔，點解？因為好多肌肉男除咗大隻之外都一無是處，就連床上表現都唔合格，令囡囡大跌眼鏡！
唔少人都認為肌肉男喺床上一定好勁，佢哋有氣有力無錯係有啲着數，但不解溫柔，動作粗鹵，而且唔尊重對手，就最令囡囡反感。因為大隻男覺得床上大戰，等同佢喺健身中心搵部機嚟健身一樣，當囡囡係部機咁操，唔激死對方就怪。
另外，佢哋性格上大多數都係冇乜主意嘅人，易衝動，唔想用腦，要佢哋諗啲花臣出嚟氹吓女友，真係難過登天。有部分肌肉男性格仲會出現兩極化，一係橫蠻粗鹵，十分專制；一係就好似細路仔咁十分脆弱，囡囡見到都討厭，同佢哋拍拖想唔後悔都唔得啦。