熱爆網絡

阿女佢仲話自己考到咁多證，家陣喺屋企寫吓稿，接吓工作嚟做，就月入過萬，平均六七千蚊唔少得，真係恨死啲啱啱畢業嘅大學生。佢仲話：「炒房不如考證，拜金不如拜知」，鼓勵網友靠真材實料去賺錢，咁樣先至可以得到其他人嘅尊重。

由於佢講嘅嘢都幾發人深省，對於一啲靠父蔭嘅二世祖同專靠炒賣致富嘅暴發戶，可以話係當頭棒喝，於是佢嘅帖就喺好短嘅時間內傳到街知巷聞，加上佢又幾靚女，身材又見得吓人，於是吸引更多網友轉發佢嘅帖。

但就有網友發現，「晒證才女」嘅身份好有可疑，有網民話佢發呢張帖只係想炒作，目的係將自己同佢有提及過嘅網站炒熱。另外亦有人發現，佢嘅證書就算放大睇都睇唔到編號，懷疑係假貨，仲有心水清嘅朋友話從未聽過CFAA嘅認可，反而CFA特許金融分析師就聽過，多咗個「A」就唔知係乜嘢證書，於是造假之聲此起被落。

個人覺得，呢位靚女似係想引人注意博上位多啲，加上佢晒證嘅時候順道晒埋腿，話唔定係想博啲青年才俊留意，乘機釣金龜都唔定。