茜茜去到一間手機店，向店員肥寶詢問：「有冇防水手機賣呀？」肥寶好親切咁話：「有，我哋有好幾款手機都有防水功能o架！」然後就拎出三部防水手機畀茜茜睇。同時問：「係呢，你要防幾深水呀？一米、三米、定十米以上呢？」茜茜就話：「只係口水咁上下囉！」
茜茜拎起其中一部心水手機問：「如果將部手機放入潮濕嘅洞入面，會唔會漏電呢？」肥寶面帶驚訝，然後又保持鎮靜咁答：「應該唔會。」茜茜又問：「咁將部手機放入洞裏面，會唔會自動產生震動，唔使打電話呢？」肥寶不耐煩咁話：「冇o架！」茜茜一瞼失望，不過又問：「咁可唔可以加支狗骨形嘅天線呢？」肥寶終於忍唔住話：「小姐，你咪玩啦！前幾日就係有女人用部手機嚟自娛，塞咗入去卡住咗要送去醫院呀！」
茜茜聽到之後，怒火中燒，大鬧肥寶：「你咪亂諗嘢先真呀！係我養嗰隻貓好曳，成日咬我部手機，所以要防水；自動震動功能係攞嚟嚇佢，想加埋條狗骨天線係等貓貓冇興趣去咬咋！」