本文重點
早前一年一度嘅動漫節已經圓滿結束，現場除咗有大量動漫產品外，仲有最新電子遊戲展出，令一眾年輕人都歡喜若狂。不過，最令大家高興嘅，一定係現場有大量低胸o靚模壓陣，而且仲有年輕貌美嘅Show Girl於場內推銷產品，各位雄性動物一定玩到唔捨得走啦！
故意打輸扮可憐
不過，同一時間，上海原來亦有一個大型數碼娛樂展覽舉行，除展出大量男人至愛嘅電子遊戲之外，一樣有好多知名年輕模特兒同女星，以及Show Girl出席，開幕當日仲發生咗一段值得男人學習嘅突發事件添！
話說當日，場內一名男子參加一款遊戲比賽故意打輸，繼而趁機接近一個巨乳Show Girl並且扮晒可憐。Show Girl一不留神之下，該名男子居然向佢作深情告白，仲成功感動巨乳Show Girl，答應送個香吻畀對方添！
雖然二人有冇下文就冇人知，不過此子勇氣可嘉，絕對值得大家學習o架！