本來佢哋做問卷調查絕對係無可厚非，點知呢間夜場好衰唔衰，喺上月27日晚上畀有關方面大舉掃蕩，除咗當場拉到六個一絲不掛嘅客人外，仲將呢批問卷全數搜出，初步估計數目有過千張，足可證明呢間場活躍多時。

客人遭殃

而據網上報道，呢批問卷嘅問題，都十分入肉，除咗囡囡嘅樣貌、身材要評分之外，仲連各種服務同囡囡床上反應都要一一點評，可以話係一份相當詳盡嘅問卷，結果就成為檢控嘅有力證據。間場嘅負責人，想推卸責任都唔得。

間夜場食得禾米多，今次斷正，可以話係咎由自取，但有好多網友發帖話對今次問卷事件十分擔心，因為唔知啲問卷上面，會唔會寫上客人嘅資料，如果有嘅話，分分鐘成為檢控證據。今次搜出過千份問卷，即係隨時有過千人遭殃，情況真係唔講得笑。

於是有人馬後炮，話以後夜場再叫大家做問卷，就千祈咪制，否則畀人人贓並獲就冇得抵賴。網友嘅意見，聽落又幾有道理，大家北上夜遊消費，記住咪手多多，填下犯罪證據就大鑊喇！