29/07/2010

播放本新聞相關短片

歪嘴男o趙完唱

男人講嘢時,如果把嘴歪埋一面嘅,原來性格好管閒事,經常逞口舌之勇,而且喜歡扮晒正義嘅朋友,如果做唔成正義化身,就會變得蠻不講理,甚至發爛渣,但大家對佢嘅憤怒都會視作等閒,理都唔理佢!

因為口歪嘅男人,全部都係紙老虎,做乜嘢都係得把口,所以工作能力欠佳,難得上司器重,事業大多數難有發展,除非自己做老闆,否則只會打死一世工,而且人際關係極惡劣,自己講嘢得罪人就當冇嘢,相反人哋窒親佢,就會記一世。

佢哋床上表現亦好差,同把口一樣,屬於紙老虎,而且有頭威冇尾陣,只要自己搞掂,伴侶有冇反應都會完全唔理,而且最衰就係氹異性上床之前,就會甜言蜜語,信誓旦旦,但一上完床之後,就會露出本來面目,惡言相向,甚至o趙完唱,呢啲男人真係執到都要喊三聲呀!

達達