呢間咁有抱負嘅風俗店，就係開喺東京鶯谷區嘅「快樂出勤」，佢哋嘅店長以前喺大企業工作多年，發覺自己竟然已經唔記得點笑，自從喺風俗店遇上一位熱情樂觀嘅囡囡之後，終於重拾笑顏，於是毅然放棄高薪厚職，決定搞一間提供歡笑嘅風俗店。

冷笑話出招

店長話佢哋請人要求多多，囡囡除咗要人靚身材正之外，仲要笑口常開，每分鐘都可以以最靚嘅笑容示人。店長認為，就算囡囡幾高質都好，如果成日都黑口黑面，一定唔會得到客人歡心，所以佢哋絕不錄用呢類囡囡，而且佢哋會嚴格執行笑容滿面嘅要求，萬一有客人投訴囡囡唔識笑，更要受到處分。

另外，囡囡除咗要全程保持笑容外，店長仲要求初次見面時，囡囡要講吓冷笑話（爛Gag）氹客人開心。點解要講爛Gag呢？店長話當囡囡七情上面咁講一啲唔好笑嘅笑話時，客人好容易會因為佢誇張嘅反應而會心微笑，而笑話愈唔好笑，但囡囡卻表情十足，咁得出嚟嘅反差就愈大，感覺更盞鬼，所以喺開始前戲前，囡囡都必定要講吓爛Gag搞氣氛。

扮鬼臉逗客

店長話，如果講完爛Gag個客人都冇反應，咁囡囡就要出下一招，扮鬼臉嚟氹客人開心。佢話一般客人見到囡囡咁落力氹佢哋開心，都會報以微笑。而除咗講笑話同扮鬼臉之外，囡囡們仲會利用性道具嚟增強官能刺激，並透過搞笑方式介紹性用品，希望博客人歡心，所以做佢哋嘅囡囡真係一啲都唔易o架。

不過一分錢、一分貨，因為店方對囡囡嘅要求咁高，所以收費方面都唔平，60分鐘嘅服務收¥20,000，折約HK$1,500，加上佢哋比起其他公司拆帳高兩成，所以吸引到大量囡囡加入，就算要求多多，囡囡都冇所謂。其實客人只要玩得開心，自然願意使多啲錢，貼士都會畀多啲啦，囡囡學吓搞爛Gag、講笑話都無妨吖！希望中港澳啲夜場囡囡都學吓佢哋，咁客人玩嗰陣就更加開心喇！