本文重點
生活喺香港，其實真係幾幸福，先唔好講日日翻開報章都見到又靚又好波嘅o靚模，令我哋嘅生活添上姿采，單係用水方面就已經值得我哋感動啦！香港嘅食用水質素屬於世界一級，而且一年四季大家話用就用，唔似得內地好多地方咁不時受到乾旱威脅，亦唔似好多非洲國家咁，想搵滴乾淨水都冇。
噴水池玩水
最近歐洲國家烏克蘭亦因為用水問題，搞到近年勁出位嘅女權組織FEMEN嘅成員又再出動喇！本月十五日，FEMEN嘅六個女成員，去到烏克蘭首都基輔嘅獨立廣場進行出位抗議，不過今次就唔係直接剝衫，而係去到廣場嘅噴水池玩水！
本來玩水都唔係大問題，最惹人遐想就係佢哋個個都只係着住件白色Tee，內裏則係真空上陣，一濕身，身材有幾激凸真係一目了然！至於點解佢哋要出嚟抗議呢？其實係因為有關當局停止為市民供應熱水，同時作出多項公共事業加價行動，包括住屋同食水等項目。
FEMEN班成員為市民作咁大犧牲，真係好偉大呀！下次如果佢哋再搞濕身抗議，我都要參加埋一份呀！