獲獎無數

來自山東濟南嘅韓媛媛，於2000年出道，當時佢參加咗一個全國新人賽，並獲得山東區廣告模特組冠軍而被發掘，順利加入模界。此外，媛媛亦係山東省首屆職業模特兒大賽嘅季軍得主，以及喺2001年上海國際沙灘裝選拔賽入面，奪得全國10優佳績。

老實講，韓媛媛唔算係大美人，但勝在身材夠平均，而且每次演出都會以性感形象示人，難怪可以喺業界立足多年。

經驗豐富

入行10年，媛媛可謂乜嘢類型嘅工作都做過，拍過無數廣告及雜誌寫真，又做過展覽會嘅Show Girl、車模、節目主持等。熱愛足球嘅佢，於上年更被邀請擔任山東魯能泰山主場嘅足球寶貝。

早前有內地傳媒報道，指媛媛跟男友喺街頭吵大鑊，之不過事件似乎對佢未有太大影響，最近媛媛更首次參演一輯網絡爆笑不文短劇《非誠互搞》，唔知大家又有冇興趣睇吓呢？

韓媛媛Profile

年齡：26歲

三圍：34-25-36

身高：176cm