當地有關執法部門首當其衝受到抨擊，於是搵負責人出嚟解畫，話相片中嘅囡囡，並唔係骨女，而係酒店服務員。着住性感護士服嘅囡囡，又點會係服務員？係嘅真係要請問佢哋屬於邊個部門，難道會着成咁執房，或者做咖啡廳侍應？

遭人陷害

事件一發不可收拾，而且有被愈炒愈烈之勢，但其實對呢間骨場有認識嘅網民都知道，呢間骨場喺每日黃昏時分，都會叫啲囡囡出門口，由經理同佢哋做訓示，提醒佢哋需要留意啲乜嘢情況，而且仲會齊齊跳舞做黃昏操，最後齊聲喊口號作結。

呢啲類似「早會」嘅活動，喺東莞好多大企業都有，屬於企業文化嘅一種，因為地域嘅關係，東莞嘅夜場都受到感染，每日都要囡囡列隊做個「早會」，而今次遭人發相嘅五星級邪骨場，就係其中一間，可見佢哋唔係專登揀掃黃嘅日子嚟晒馬。

而且放上網嘅相片，有網民話已經喺網絡流傳咗成年，全部都係舊相，近期風頭火勢，骨場亦都冇再要囡囡着住性感制服嚟做早會，所以有人話夜場係遭人陷害。但亦有網民話，有可能係別有用心嘅人，希望東莞嘅夜場自律，唔好再咁出位，所以先至搞出咁大件事喎！