肥寶早前晚晚捱夜睇波，返工就固之然冇精神啦！不過，喺身子日差嘅情況之下，搞到性慾下降，心裏頭梗係有啲擔心嘅！呢個時候，老友阿豪就提議佢以毒攻毒，一於約埋幾個靚女返屋企開淫亂派對，以喚起獸性！
為咗令自己可以盡興，肥寶就飛奔去藥房，細細聲咁問老闆：「有冇春藥賣呀？我今晚諗住約三個辣妹返屋企玩呀！」老闆笑笑口就遞咗一盒嘢畀肥寶，又細細聲咁話：「呢隻係本店最強嘅春藥，食咗之後保證你金槍不倒呀！嘿嘿嘿！」肥寶如獲至寶咁返屋企準備。
第二朝，肥寶一臉疲勞兼狀甚痛苦咁去藥房，問老闆：「有冇強力止痛膠布呀？我就嚟痛死喇！」老闆曖曖昧昧咁問：「係咪隻春藥太勁，所以搞到你腰痠背痛，要買止痛膠布貼呀？」肥寶一臉無奈咁答：「唔係貼條腰，係貼隻手呀，尋晚三個辣妹都甩晒底呀陰功！」