成日聽到俗語「牙尖嘴利」，用嚟形容啲人講嘢本事，經常出口傷人，但原來牙齒外形尖削，面相學中反而認為佢哋做事精打細算，心思縝密，最啱從事統籌、策劃或者設計嘅工作，但如果唔能夠喺正途發展，就有可能將心力用嚟遺害人間。
另外，牙尖嘅人唔知係咪食得肉類太多，心火特別盛，好勝心超級強，成日同人比較，而且非常喜歡口舌之爭，當道理講唔掂時，就會強辭奪理，打橫嚟講，有咄咄逼人嘅感覺。呢種人只要天時地利相配，可以有短暫嘅光輝時刻。
至於牙尖嘅男士，喺情愛上會係一個獵人，見一個追一個，得手後又會向另一個埋手，女士們真係要小心。至於床上表現，就會十分性急，一啲情趣都冇，千方百計表現自己驍勇嘅一面，但大多數都係虛有其表，難以令女性得到真正嘅滿足。