本文重點
某日，有錢佬肥寶參加一個高爾夫球比賽，結果肥寶被編到同一個叫做麥炳嘅男人一組。當佢哋一齊行去另一個果嶺嘅時候，大家開始傾偈吹水。肥寶就問：「除咗球桿袋之外，你仲帶住一大袋嘢咁奇怪嘅？」麥炳表示：「實不相瞞，入面係來福槍同望遠鏡，而我其實係一名職業殺手。唔信你可以打開嚟睇吓。」於是肥寶照做，發覺果然如麥炳所講，有支槍同一副望遠鏡！
一箭雙雕
肥寶呢個時候，就拎起望遠鏡四圍望，點知就見到位於球場旁邊嘅會所房間內，佢位貌美如花嘅老婆正同一個陌生人男人赤裸裸於床上纏綿！怒不可遏嘅肥寶要求麥炳出手殺咗呢對狗男女，麥炳話：「冇問題，不過一粒子彈要$10,000喎！」肥寶即刻拎出$20,000，麥炳跟住話：「大家今次見面都算有緣，就畀你選擇粒子彈打中佢哋邊一個部位啦！」肥寶諗咗一陣之後就話：「個衰婆平日把口唔收，第一粒子彈一於射佢個口啦！個奸夫夠膽勾我老婆，就射佢細佬！」結果麥炳瞄咗好耐都未開槍，肥寶就在旁不斷催促，麥炳就話：「唔好嘈，我依家等待時機嚟個一箭雙雕，想幫你慳番$10,000嘛！」