有啲男人條頸又粗又短，一般會配埋圓頭大面、虎背熊腰，原來喺面相學嚟講，呢種人體力旺盛，做事有魄力，仲有一定嘅領導才能，就算係同級嘅同事，都會心甘情願聽佢支笛，而且往往喺佢嘅調配之下，都可以順利完成工作。
搵佢哋做主管絕對冇問題，但要小心，佢哋最適合係做大事，調兵遣將同運籌帷幄都在行，但係做小事難免掛一漏萬，而且缺乏耐性，所以千祈咪搵佢哋做精細、繁瑣嘅技術型工作，否則一定失敗；佢哋只要搵啱工作崗位，再加上後天努力，喺事業上一般都會有幾好嘅成績！
感情方面，呢種人特別自私自大，喜歡控制對方，如果太太係乖巧型女士，咁就相安無事；相反太太過於有主見嘅話，咁就難免整日家嘈屋閉。喺性方面，呢種男人係天生嘅床上強者，如果另一半欠缺性癮，婚姻都幾難持久。