提到賽車女郎（簡稱RQ），日本嘅出品可以話係全球首屈一指，只要大家現場欣賞過日本或者澳門賽車，就可以見識到嚟自日本嘅賽車女郎，身材高挑又性感，個樣唔使多講，都知索到啪啪聲啦！事實上，唔止中華民族對日本RQ有濃厚興趣，就算係見慣見熟嘅日本男士，亦一樣畀呢班索女同鄉深深吸引，所以唔少風俗店都以RQ做賣點。

誘惑甫士　任你低炒

由於RQ實在太索，所以每逢有佢哋出席嘅場合，都有大量龍友到場支持，目的當然係舉機喪拍，影低RQ嘅多角度玉照，返屋企細味品嘗。老老實實，呢班專門瞄準RQ嘅龍友都係色中餓鬼，為咗迎合佢哋嘅拍攝慾望，於是川崎南町RQ風俗店搵嚟一班業餘RQ做風俗孃之外，仲訓練埋佢哋擺誘人甫士添。

呢班身材高挑嘅RQ風俗孃，服侍客人嘅時候，梗係着住RQ Full Gear出場啦，短裙配長腿，一定引到你流晒口水，最抵死係佢哋識得「自動波」，擺出好多正常RQ唔肯做嘅甫士，例如戙高隻腳，或者坐低擘髀等，唔走光都唔做，方便客人「低炒」裙內春光。

畀女踩　專氹SM迷

由於RQ嘅裙仔又短又緊身，每當佢哋行路嘅時候，圓潤靚股自然現晒形，相信唔少男士都有伸手探索，甚至打「股」嘅念頭，幫襯川崎RQ風俗店，就可以盡情打到夠！

原來RQ風俗孃擺甫士畀客人喪影時，少不免都會趴低趷起個靚股，客人唔止可以影，仲可以出手拍番幾下過手癮，當然要點到即止，千祈咪出盡力打傷RQ，玩還玩，都要憐香惜玉嘛！而且打股過後，閣下又有自虐癖好嘅話，仲可以畀風俗孃反客為主，用皮靴「招呼」番你轉頭，輕輕踩你幾下，享受畀RQ虐待嘅特別感覺。

唔鍾意隔住皮靴無乜Feel？可以玩激啲，揀絲襪足部按摩，肯畀錢就得！由於風俗店聲稱用重金招聘業餘RQ做風俗孃，所以收費唔低，一粒鐘服務誠惠¥22,000，即係HK$1,900左右，畀女踩完仲要銀包大出血，抵唔抵玩真係見仁見智。