雖然家陣飲豆漿好方便，但係如果有碗新鮮磨成嘅豆漿，仲有一個美貌豆漿女郎遞畀我飲，我諗呢碗豆漿一定好飲到彈起！

魅力沒法擋

你話如果生活喺內地幾好呢！點解我咁講？因為較早前曲江寒窰遺址公園，舉行咗一個萬人相親大會，有大量少女到嚟搵對象固然令男士們高興啦！不過，公園內嘅一個豆坊老闆娘，就更加令男士雀躍！

呢位老闆娘樣貌娟好，打扮亦相當艷麗性感，擺檔磨豆漿嘅時候，魅力真係沒法擋，所以吸引唔少男士駐足觀看，繼而忍唔住畀兩蚊人仔買碗豆漿，博吓喺老闆娘磨豆漿嘅時候，會唔會有意外收穫！