早排同老友長腳豪出嚟飲茶吹水，佢話想為屋企添置新家品，不過又唔想咁普通，最好就係「少少鹹，多多趣」嗰種，返去之後我搵咗幾樣有趣Product畀佢，設計有味得來都幾實用o架！
自製乳頭冰
天時暑熱，歎杯冰凍飲品當然涼透心，想感覺更過癮，可試用「巨峰冰格」。佢能夠製作出一塊類似女性雙峰形狀嘅冰粒，將啲胸形冰粒放入飲品中，除咗飲落涼浸浸，仲可以放入口慢慢嗒，係咪爽呢？除咗胸形冰格外，仲有「男根」造型，有興趣嘅就自己上網(目及)(目及)喇！
亞當與夏娃
呢款名為「亞當與夏娃」嘅牙刷，造型特別，手柄位置分別係一個裸男及一個裸女嘅身軀，而且兩者嘅敏感部位都清楚可見，設計夠晒出位，大家使用之前睇一睇，咁就唔擔心用錯另一半嗰支啦！