不過事後竟惹來不少網友發帖批評，呢類畢業作品展其實年年都有，有網友質疑點解偏偏要用女性內衣做主題，係咪想利用性感美女嘅胴體嚟引人注意，提高學校知名度。

博做宣傳

由於畢業題目都係由學校自行決定，所以矛頭就直指學校，話佢哋咁做無非係想博宣傳。咁又係，自畢業展之後，大批身穿同學設計嘅性感內衣女模照，就喺網上流傳，而全部照片都有打上學校名，令呢間學校於一時間名聲傳千里。

面對指控，校方冇正面回應，但由於網友愈吵愈烈，有參展嘅畢業同學就解釋，話每年題目都會轉變，只不過剛好今年做內衣主題啫。但有同學亦表示，其實做內衣主題，最困難嘅地方並唔係設計意念，而係搵模特兒示範佢哋嘅作品，同學們都紛紛向朋友、家人入手，又或出錢請專業模特兒行騷，畢竟內衣騷唔係人人肯接，今次真係難為晒班學生。