手執Condom 引人遐想

現年18歲嘅小予，兩年前曾獲台灣電視台邀請擔任節目嘉賓，當時佢已經被譽為「網絡人氣美少女」，亦曾拍過幾個電視廣告及做過網拍模特兒，喺台灣算係薄有名氣。

講到小予嘅上位經過，其實係同一張自拍照有關，只見佢喺相中拎住一個已撕開包裝嘅安全套，配合佢清純嘅外表，難免令人產生無窮遐想。呢張相片上傳之後，隨即引起萬千網民注意，紛紛將小予嘅其他生活照上載到各大論壇，共諸同好，更有網友將佢稱為「杜×斯女孩」或「安全套女孩」。

不過，睇番小予嘅網上相簿，裏面竟然有兩張好相似嘅照片，分別只在於一張有拎安全套，一張則冇拎任何嘢，莫非當初呢張相只係合成嚟玩吓嘅惡搞照？