美國最大型嘅情色博覽會Exxotica Expo（以下簡稱EExpo），屬於世界知名嘅成人娛樂界盛事，每年都會舉辦三次，而今年第一次已於5月中喺邁阿密順利結束，第二次將會於7月9日至11日喺洛杉磯舉行。由於剛完結嘅邁阿密EExpo非常成功，吸引超過三萬人次入場參觀，所以洛杉磯嘅EExpo將會再下一城，已安排了連串節目，務求令入場人士樂而忘返！

「波」不勝數

EExpo雲集來自世界各地嘅情趣用品商，佢哋於場內擺設大量攤位，推廣自己嘅得意產品，展出嘅震蛋、震棒、仿真自娛用品、潤滑劑、吹氣公仔等等都屬於最新最潮，好此道者去到真係睇到唔捨得走！不過就算冇興趣，都一樣唔會願意將視線離開佢哋嘅攤位，因為參展商一定會搵來打扮火辣嘅美女作宣傳推廣，唔花錢買嘢，都要借頭借路問兩句，趁機親近一下！

另外，同場亦有大量知名四仔女星到場，天后級脫星如Jenna Jameson、Tera Patrick、Jenna Haze等等都鐵定會出現，到時又可以搵佢哋簽個名，甚至影張親密合照！另外，現場仲有各大大小小嘅艷舞表演，搞到成個場館都「波」影處處，真係爽呀！

打出快感

但計我話：「睇波唔玩波，樂趣冇咁多」，現場除咗有「波」睇之外，其實仲有好多機會畀參加者玩「波」！其一，就係舞台下嘅脫衣舞孃，不時都會捉台下觀眾一齊上台大跳辣身舞，如果閣下舞技有番咁上下，同舞孃跳得合拍又投契，絕對有機會趁機偷摸胴體，對方一定唔會抗拒！

另外，唔上台跳，台下亦有舞孃玩籠中共舞，有興趣不妨入籠齊齊互摸一番！當然，重口味嘅朋友亦一樣有嘢玩，就係搵場內嘅SM大師同你玩吓「快感鞭一鞭」喇！恰到好處嘅力度鞭到身上，刺激感爆燈！另外，想回味兒時玩意嘅朋友，仲可以同脫星玩吓新增嘅「特色」搖搖板。搖搖板兩頭都有一支假狗作扶手，期間脫星話唔定會睹物思「淫」，即場表演假狗自慰，有得睇又有得玩，暑假就唔怕冇節目啦！